ДДСҰ: Конгода 900 адам эбола жұқтыруы мүмкін деген күдікке ілікті

Конго Демократиялық Республикасында 900-ден аса адам эбола вирусын жұқтырған болуы мүмкін. Дүниежүзілік денсаулық сақтау ұйымы осылай деп мәлімдеді. Оған сай, 100-ден астам адамның қауіпті індетті жұқтырғаны расталған. Ал вирус белең алған Итури провинциясында 5 миллион адам тұрады. Мұнда әр төрт тұрғын гуманитарлық көмекке мұқтаж. Ұйымның мәліметінше, Африка елдерінде эболаның кең таралу қаупі жоғары. Алайда, жаһандық деңгейде қатер жоқ. Айта кетсек, мамырдың 17-де Конго мен Угандада вирустың өршуіне байланысты төтенше жағдай жарияланған еді.