Қазақстан мен Ресей білім саласында әріптестікті арттырады

Қазақстан мен Ресейдің арасында білім саласында әріптестік артпақ. Бүгінгі күні көрші елде 60 мыңнан астам отандасымыз білім алып жатыр. Ресей үкіметі Қазақстан азаматтарына арналған квотасын 800 грантқа дейін арттырды. Одан бөлек Ресейде үш қазақ мектебі салынбақ. Жоғары оқу орындарының арасында да ынтымақтастық беки түскен. Жеті ресейлік оқу орнының филиалы Қазақстанда жұмыс істеп тұр.

Жоғары оқу орындарының арасында да ортақ бағдарламалар қабылданып, қос дипломды білім беру жүйесі жүзеге асып жатыр.

Светлана Пирогова, ЖОО өкілі:

Біз Қазақстанның бірнеше оқу орнымен әріптестік орнатқанымызды мақтан етеміз. Оның ішінде Оңтүстік Қазақстан педагогикалық университеті бар. Бакалавриат, магистратура деңгейінде ғылыми жобаларымыз да жақсы нәтижесін көрсетуде. Алматы, Астана қалаларындағы ірі оқу орындарымен байланыс үзілген емес.