Жетісу облысында 4 шақырым жерді тазалады

«Таза бейсенбі» экологиялық акциясы аясында Қаратал ауданының 200-ге жуық тұрғыны 4 шақырым аумақты ретке келтірді. Осылайша, 20 тоннадан астам қоқыс шығарылды. Тазалық акциясы басталғалы ауданда 4 мыңға жуық адам сенбілікке атсалысып, 1200 тоннадан артық тұрмыстық қалдық шығарылған. Күн жылына айналаны қоқыстан арылтып, абаттандыру жұмыстары қарқын алады, игі істің арқасында экологиялық мәдениет қалыптасты дейді тұрғындар.

Барлығы өзіміз үшін. Тазалық – денсаулық кепілі деп, атсалысып бәріміз шықтық. Демалыс сайын өтетін сенбіліктерге атсалысып, қатысып тұрамыз. Өзіміз үшін ауламызды тазартып, Үштөбе қаласының тазалығын сақтап тұрамыз.