Балқаш көлінің жағасы жекеге заңсыз өткені анықталды

Балқаш көлі жағалауында жер телімдері заңсыз берілгені анықталды. Жетісу облысының су қорғау аймағындағы жалпы аумағы 12 гектар болатын 24 жер учаскесі тексерілген. Тексеру кезінде учаскелердің заң талаптарына қайшы, коммерциялық мақсатта берілгені анықталды. Нәтижесінде сот, сатып алу келісім шарттарын жарамсыз деп танып, Балқаш көлі маңындағы учаскелер мемлекет меншігіне қайтарылды.