Талдықорғандағы «Шын жүректен...» шарасы балаларды қуантты

Талдықорғандағы «Айналайын» балаларды қолдау орталығының тәрбиеленушілері түрлі сыйлыққа кенеліп, көтеріңкі көңіл күйге бөленді.  Іс-шара Жетісу университеті мен орталық арасындағы достық қарым-қатынастың 11 жылдығы аясында өтті. Игі бастама Халықаралық еріктілер жылы аясында ұйымдастырылып, қайырымдылық мәдениетін нығайтуға бағытталған. Шараға жиналғандар балаларға мейірім мен қамқорлық көрсету арқылы әлеуметтік жауапкершілікті арттыру маңызды міндет екенін алға тартты. Сондай-ақ волонтерлік мәдениетті дамыту мен өзара ынтымақтастықты бекемдеу де өзекті бағыт екені атап өтті. Кездесу аясында балалар мен студенттер концерттік бағдарлама ұсынып, жиналғандарға көтеріңкі көңіл күй сыйлады.

Бұл шараның мәні үлкен, жоғары. Бұл тек қана бір университеттің емес, жалпы мемлекеттің саясаты. Биыл халықаралық волонтерлар жылы, білесіздер. Бұның жалпы тәрбиелік, қоғамдағы мәні үлкен, жоғары. Соған біз үлкен мән беруіміз керек. Балаларға рухани қолдау. Балалардың арасында достық қарым-қатынас.