ЕуроОдақ Ресейге 20-шы пакет санкция қабылдады

Еуроодақ Ресейге қарсы санкциялардың 20-шы пакетін қабылдады. Құжатқа сәйкес Ресей мұнайын тасымалдауға толық тыйым салу қарастырылған. Сонымен қатар 46 танкер, 60 компания қара тізімге кіргізілді. Бізбен тікелей байланысқа Ресейдегі меншікті тілшіміз Индира Бегайдар шығып тұр. Индира, шектеулер ел экономикасына қалай әсер етеді?

Индира Бегайдар, тілші:

Мамандардың айтуынша, жаңа санкциялар бюджет тапшылығын ұлғайтады, қазынаға түсетін қаражат қысқарады. Өйткені Ресей бюджетінің басым бөлігі мұнайдан түсетін қаржыға байланысты. Жиырмасыншы пакетте металдардың, химиялық өнімдердің және 570 миллион еуродан асатын маңызды минералдардың импортына шектеу қойылған. Сонымен қатар, аммиак импортына квота енгізілді.

Марсель Салихов, РФ Энергетика және қаржы институтының президенті:

Ресейге қарсы жаңа экономикалық шектеулердің әсерінен доллар қымбаттап, рубльдың құлдырауына әсер етеді. Әрине Ресей мұнай экспортын тоқтатпайды. Бірақ қара алтынның шекті бағасы төмендейді. Жүздеген танкер санкциялық тізімге ілікті. Сондықтан бұл салаға салықтық жүктеме артты.