Қазақстандық бітімгерлер БҰҰ миссиясына аттанады

Қазақстандық бітімгерлер БҰҰ-ның Голан жоталарындағы миссиясын орындауға аттанады. Қорғаныс министрінің орынбасары генерал-майор Асқар Мұстабеков, әскерилердің әзірлігін көрді. Миссияға баратын жеке құрам «Бітімгер» оқу-жаттығу орталығында тактикалық, медициналық және тіл бойынша дайындықтан өткен. Жалпы, БҰҰ-ның Голан жоталарындағы миссиясы 1974 жылдан басталады. Қазақстан оған 2024 жылдан бастап дербес ұлттық контингент ретінде қатысып келеді.