Түркияда интернеттегі жазбасы үшін 162 адам ұсталды

Түркияда мектептердегі атыс туралы интернетте пост жариялаған 162 адам ұсталды. Елдің әділет министрлігінің мәлімдеуінше, оларға қоғамды дүрліктіретін контенттер мен видеоматериалдарды таратпау туралы заңды бұзды, қылмыс пен қылмыскерлерді мадақтады, ресми мәліметтерді бұрмалап, жалған ақпарат жариялады деген айыптар тағылып отыр. Тұтқындалғандардың 67-сі өзге мектептерге де шабуыл жасалатынын хабарлаған. Сонымен қатар, әлеуметтік желіде 1104 аккаунтқа шектеу қойылып отыр.

Айта кетсек, осы аптада Түркиядағы екі мектепте оқ атылып, 10 адам қаза тауып, ондағаны жараланды. Құрбандардың сегізі – оқушы.