Трамп: Иранмен соғыс кешікпей аяқталады

АҚШ президенті Дональд Трамп Иранға қарсы соғыстың таяуда аяқталатынын және екі жақты келіссөздердің демалыс күндері қайта басталуы мүмкін екенін мәлімдеді. Сонымен қатар, оның сөзінше, Тегеран өзінің байытылған уранын өзге елге жіберуге келіскен. Айта кетсек, дәл осы мәселе қарулы қақтығысты тоқтатуға үлкен кедергі жасап отыр. Дегенмен, Иран Трамптың бұл мәлімдемелеріне қатысты әзірге түсініктеме берген жоқ. Және де Лас-Вегаста Америка экономикасына арналған жиында Құрама Штаттар лидері Ливан мен Израиль  арасындағы атыстың 10 күнге тоқтауын «тарихи оқиға» деп атады.