Қазақстан Болонья Children’s Book Fair жәрмеңкесіне қатысады

Қазақстан 13-16 сәуір аралығында Италияның Болонья қаласында өтетін әлемдегі ең беделді кітап жәрмеңкелерінің бірі – Болонья Children’s Book Fair-ге тұңғыш рет ұлттық стендпен қатысады. Бұл – 1963 жылдан бері ұйымдастырылып келе жатқан, балалар әдебиетінің жаһандық орталығы. Мұнда баспагерлер, авторлар, иллюстраторлар мен әдеби агенттер бас қосып, жаңа мүмкіндіктер мен серіктестіктерге жол ашады. Әйгілі жәрмеңкеде Қазақстанға 32 шаршы метр арнайы алаң қарастырылған. Онда отандық баспалардың балаларға арналған үздік кітаптары ұсынылады. Мамандардың айтуынша, бұл – қазақ балалар әдебиетін әлемге танытудың маңызды қадамы.