Мұнай бірден 7,4 пайызға қымбаттады

АҚШ-тың әскери флоты Ормұзды блокадаға алуға және Иранның мұнай экспортын шектеуге әзірленіп жатқандықтан «қара алтын» бірден 7,4 пайызға қымбаттады. Соңғы мәліметке қарағанда, оның Brent маркасы баррелінің құны 102 доллар 23 центке жеткен. Ал америкалық WTI сұрыбының бағасы 104 долларға жақындап қалды.

Айта кетсек, Иранға қарсы соғыс басталғанға дейін мұнай нарқы 70 долларды төңіректеп, қарулы қақтығыстың алғашқы күндері 120 долларға жуықтағаны белгілі.