Иран аймақтағы барлық айлаққа қауіп төндіретінін ескертті

Иран Америка Құрама Штаттарына қатаң ескерту жасады. Ислам Республикасының армиясы мен революция сақшылары мәлімдегендей, егер АҚШ бүгін Ормұз бұғазын блокадаға алатын болса, Тегеран Парсы және Оман шығанақтарындағы барлық портқа қауіп төндіретінін хабарлады.

Айта кетсек, соғысқа дейін Ормұз арқылы әлем мұнайы мен сұйытылған газының 20 пайызы өтті. Алайда Пәкістан астанасында 21 сағатқа созылған АҚШ-Иран келіссөздері сәтсіз аяқталғаннан кейін президент Дональд Трамп Иран аумағына кіріп-шығатын кемелер мен танкерлердің жолын бөгейтінін жариялады. Кейбір сарапшылардың ойынша, бұл блокада дүниежүзінің энергетикалық нарығын тіпті теңселтуі мүмкін.