Неймар қазақстандық киберспортшының фотосын жариялады

Molodoy атымен танылған қазақстандық киберспортшы Даниил Голубенконың фотосын әйгілі футболшы Неймар бөлісті. Желіде жұрт мұны қызу талқылап жатыр. «Барселона» клубының бұрынғы ойыншысы желіде Бразилия құрама командасының «Неймар» аты жазылған жейдесін киген Данилдің суретін жариялаған. Бразилияның джерсиін кигені де бекер емес. Бүгінде 21 жастағы Голубенко дәл сол елдің FURIA сапында өнер көрсетеді. Ол командадағы негізгі ойыншыларының бірі. Қазірде команда Counter-Strike 2 ойынынан өтетін IEM Rio турниріне дайындалып жатыр.