Азия чемпионаты: Боксшыларымыз үш алтын және бір күміс алды

Үш алтын және бір күміс. Моңғолия астанасы Ұлан-Батырда бокстан Азия чемпионатының ерлер арасындағы финалдары өтіп жатыр. 60 келіге дейінгі салмақта Оразбек Асылқұлов үндістандық спортшының жеңіп, чемпион атанды. 75 келі салмақтың финалында Сабыржан Аққалықов өзбекстандық былғары қолғап шеберін 5:0 есебімен айқын басымдықпен жеңіп, алтын медаль алқалады. Париж Олимпиадасында күміс жүлдеге ие болған отандасымыз Нұрбек Оралбай да өзбекстандық қарсыласын тап сондай есеппен жеңіп алғаш рет Азия чемпионы атанды. Ал жас талант Төрехан Сабырхан финалдық кездесуде Иорданияның тәжірибелі боксшысынан жеңілді. Амал нешік.