Айға ұшқан төртеу Жерге қайтқалы жатыр

Cәуірдің 1-де ғарышқа ұшқан төрт астронавт Айды айналып өту миссиясын аяқтады. Енді Жерге оралуға әзірленіп жатыр. Болжамдарға қарағанда, олар  мінген «Орион» кемесі АҚШ-тың Сан-Диего жағалауына жергілікті уақытпен жұма күні кешкі сағат 8-де қонуы керек.

Ғарышкерлер планетамызға қайтар сәтте байланысқа шығып, әлем жұртшылығымен алдағы күндері көп сурет және оқиғаларын бөлісетінін мәлімдеді. Бұл – Айға 1972 жылдан бері аттанған алғашқы экипаж. Олар Жерден 400 мың шақырымға ұзап, рекорд жаңартып отыр.