Нетаньяху: Соғысты кез келген сәтте қайта бастауға дайынбыз

Израиль премьері Биньямин Нетаньяху, Иранға қарсы соғыста қол жеткізетін мақсаттар әлі бар екенін мәлімдеді. Үкімет басшысы ұрысты кез-келген сәтте бастауға дайын екенін ескертті. Бұған қоса Нетаньяху байытылған уран Ираннан келісім арқылы немесе күшпен шығарылатынын да айтты.

Биньямин Нетаньяху, Израиль премьер-министрі:

Ұрысты кез келген уақытта бастауға сақадай-сай дайынбыз. АҚШ пен Иран арасында екі апталық бітім күшіне енді. Келісім Израильмен толық ынтымақтастықта жасалды. Сол себепті бұл біз үшін бір күтпеген жайт болған жоқ. Науқан осымен аяқталмағанын атап өткім келеді.