Израиль Ливанға шабуылын үдетті

Иранға қарсы шабуылды тоқтатқан Израиль Ливандағы «Хезболла» тобына қарсы операциясын күшейтті. Әуе соққыларымен бірге құрлықтағы іс-қимыл да жалғасып жатыр. ЦАХАЛ Иранмен жасалған уақытша бітім күші «Хезболлаға» тарамайтынын ескертті. Бұған дейін Пәкістанның премьер-министрі Шахбаз Шариф бұл келісімнің Ливанға да қатысы бар деп мәлімдеген еді. Ливанның мемлекеттік ақпарат қызметі Израиль елдің оңтүстігіне оқ жаудырып жатқанын хабарлады. Снаряд аурухана маңына құлап, 4 адам қаза тапқан. Ал Сидон қаласында 8 адам оққа ұшып, 22 адам жараланды.