БҰҰ: Кубада гуманитарлық дағдарыс

Кубада отынның жетіспеуінен гуманитарлық дағдарыс ушықты. БҰҰ осындай мәлімдеме жасады. Бұл жағдай аралдық мемлекетте денсаулық сақтау, сумен қамтамасыз ету жүйесі, білім беру саласының жұмысына кедергі келтіріп отыр. Ұйымның мәліметінше, Кубаның энергетикалық дағдарысты бастан кешіп отырғанына үш айдан астам уақыт болды. Ел онсыз да жақында соққы берген «Мелисса» дауылынан, екі зілзала салдарымен күресуде. БҰҰ мүше мемлекеттермен бірге Кубаға гуманитарлық мақсатта отын тасымалдау мәселесін талқылап жатқанын мәлімдеді.