XX жазғы Азия ойындарына Қазақстаннан 500-ге жуық спортшы қатысады

XX жазғы Азия ойындарына Қазақстаннан 500-ге жуық спортшы қатысады. Жарыс 19 қыркүйек пен 4 қазан аралығында Жапонияның Нагоя қаласында өтеді. Биылғы Азия ойындары бағдарламасына 43 спорт түрі енгізілді. Қазақстанның ұлттық құрамасын жасақтауда спортшылардың әлемдік және Азия чемпионаттарындағы, сондай-ақ іріктеу турнирлеріндегі нәтижелері назарға алынады. Туризм және спорт министрлігінің мәліметінше, еліміздің спортшылары 30-дан астам спорт түрінен бақ сынайды.