Ақмола облысындағы Шағалалы ауылында көпірді су шайып кетті

Ақмола облысының Шағалалы ауылындағы көпірді су шайып кетті. Салдарынан өзеннің арғы бетіндегі 28 үй қатынассыз қалды. Құтқарушылар қайықпен 16 адамды тасымалдап, тұрғындардың үйіне жетуіне және азық-түлік алуына көмектесті. Жергілікті атқарушы орган өкілдерінің айтуынша, балама жол бар. Алайда қысқа жолға үйренген тұрғындар үшін өткел ұйымдастырылған. Төтенше қызмет өкілдерінің айтуынша, қазіргі кезде өзендегі судың деңгейі төмендеп келеді. Оқиға орнында арнайы техника жұмыс істеп, ірі мұздардың көпірді бұзбай өтуіне жағдай жасады.