Трамп Харг аралын басып алғысы келетінін айтты

АҚШ президенті Дональд Трамп Иран мұнайын иелену үшін осы елдің Харг аралын басып алғысы келеді. Мұны Құрама Штаттар жетекшісі Британияның «Файниэншл таймс» газетіне берген сұқбатында ашық мәлімдеді.

Харг арқылы Ислам Республикасы мұнайының 90 пайызы экспортталады. Егер стратегиялық арал Американың бақылауына өтетін болса, Иранның энергетикалық саудасы тоқтап, ел экономикасы күрт құлдырауы мүмкін.

Дегенмен кейбір сарапшылардың пікірінше, АҚШ жаяу әскердің күшімен Харкты жылдам жаулағанымен, кейіннен америкалық жауынгерлер ракеталар мен дрондардың соққысынан қырғынға ұшырап, соғыс тіпті созылып кетуі ықтимал.