Трамп Ресейдің Кубаға мұнай жеткізуіне қарсы емес

АҚШ президенті Дональд Трамп Ресей мұнайын Кубаға тасымалдауға қарсы емес екенін жеткізді. «Нью-Йорк Таймс» газетінің жазуынша, қазір 730 мың баррель мұнай тиеген танкер аралдық мемлекетке жақындап қалған. АҚШ Кубаны энергетикалық блокадаға алғанына қарамастан, танкердің жолын бөгеген жоқ. Тіпті Трамп қандай да бір ел Кубаға мұнай жөнелткісі келсе, кедергі жоқ деп мәлімдеді. Дегенмен Ақ үй басшысы Куба құлдырауға жақындап қалды, мұнай тиеген кеменің жету-жетпеуі бұл мәселені шешпейді деді. Қаңтарда АҚШ президенті Кубаға мұнай тасымалдайтын елдерге тариф енгізетінін айтып, сес көрсеткен еді.