Сарапшы: Мәслихат пен жергілікті атқарушы билік жұмысы үйлестіріледі

Еліміздің жаңа Конституциясының 88-бабына сәйкес, мәслихаттар өз құзыреті аясында шешім қабылдайды, ал жергілікті атқарушы органдар соларды жүзеге асырып, тиісті аумақта міндетті өкімдер шығарады.

Яғни, мәслихат негізгі бағытты айқындайды, әкім оны орындауға жауап береді. Ең маңыздысы – қабылданған құжаттар жергілікті деңгейде бұлжытпай орындалуы тиіс. Сарапшылардың айтуынша, бұл - басқару жүйесінің тиімді жұмыс істеуіне және қоғамдағы тәртіп пен тұрақтылықтың сақталуына ықпал етеді.

Ғалым Телеуов, Құқықтанушы:

Жергілікті органдардың актілері сол аймақтарда орындалуға міндетті. Бірақ тәжірибеде кей жағдайда үйлесімсіздіктер байқалғандықтан, осы норманы жүзеге асыру кезінде әр мемлекеттік органдардың жауапкершіліктерін белгілеп алуымыз қажет. Жалпы, бұл бап жергілікті жерлердегі мемлекеттік органдардың қызметіндегі үйлесімділіктерді қамтамасыз етуге және құқықтық тәртіпті қамтамасыз етуге өз үлесін қосады.