Жаңа Конституция қордаланған мәселелерді қайта қарауға мүмкіндік береді

Жаңа Конституция мемлекет қағидаларын адамның құқығы тұрғысынан анықтайды. Негізгі идея – адамның ажырамас құқықтары. Жаңа құжат қоғамда қордаланған мәселелерді шешіп, демократияның дамуына жағдай жасайды. Еліміздегі саяси реформа туралы белді әлемдік бұқаралық ақпарат құралдары жарыса жазып, шетелдік сарапшылар пікір білдіруде. Олар қоғамда ашық талқыланып, қолдау тапқан жаңа құжат жаңа мүмкіндіктерге жетуге сеп болатынына сенімді.

Андрей Быстрицкий, «Валдай» клубын дамыту қоры кеңесінің төрағасы:

Қазақстанда бірегей жаңа қоғамның қалыптасқанын байқадық. Олар өз құндылықтарын қалыптастырып, заманауи, цифрлы ортада өмір сүруге бейімделген. Жаңа Конституция саяси элитада және қоғамның өзінде де көптеген мәселелерді қайта қарауға жол ашады. Бұл құжаттың қабылдануы - уақыт талабы. Саяси реформаны сәтті жүзеге асырған Қазақстан халқы жаңа жүйеде дамудың даңғыл жолына түсіп, экономикасы өрлей беретініне сенімдімін.