Сауалнама: Қазақстандық елде жүргізіліп жатқан өзгерістерді оң қабылдап отыр

Қазақстандық елде жүргізіліп жатқан өзгерістерді оң қабылдап отыр. Қолданбалы этносаяси зерттеулер институты жүргізген сауалнама қорытындысы осындай. Зерттеушілер 2 мыңға жуық азаматтан пікір алған. Олардың басым бөлігі елдегі этносаралық қатынастары «жақсы» деп бағалаған. Сондай-ақ, респонденттердің басым бөлігі өз өміріне қанағаттанатынын айтқан. Айта кетейік, мұндай талдаулар соңғы алты жылдан бері тұрақты түрде жүргізіліп келеді.   

Жұлдыз Кәрім, ҚЭЗИ этносаралық жағдайды мониторингтеу орталығының директоры:

Респонденттердің басым бөлігі қазіргі әлеуметтік жағдайға, сонымен қатар этносаралық жағдайға оң баға береді. Мысалы, қазақстандықтардың өз өміріне қанағаттану деңгейі оң жауаптар қосындысында 83,8 пайызды құрайды. Сонымен қатар, респонденттер өздерінің қоршаған ортасында тыныш, қолайлы көңіл күй басым екенін белгілейді.