Талдықорғанда 40-тан астам отбасы баспаналы болды

Әлеуметтік осал топ санатындағы азаматтарға жаңа пәтер кілтін Жетісу облысының әкімі Бейбіт Исабаев табыстады. Талдықорған қаласында өткен жылы 630-дан астам адам үйлі болса, жыл басынан бері 135 тұрғын жаңа қонысқа ие болды. Ал жыл соңына дейін қалада тағы 1400-ге жуық баспана салынбақ. Мереке қарсаңында пәтерге ие болғандар қатарында көпбалалы және толық емес отбасылар, ерекше қажеттілігі бар балаларды тәрбиелеп отырған жанұялар бар. Қоныс иелері бұл күннің Наурыз мерекесімен тұспа-тұс келуін жақсы ырымға балап отыр.
Артем Папов, қала тұрғыны:

Бүгін баспаналы болдым. Өзім балалар үйіненмін. 15 жыл бұрын пәтер алуға кезекте тұрған едім. Міне, Наурыз мерекесі қарсаңында арманыма қол жеткіздім. Көңіл күйімді сөзбен айтып жеткізу қиын. Бұл – мен үшін жаңа өмірдің бастамасы.