Сарапшы: Жаңа Конституция жобасында адам құқықтары негізгі басымдық ретінде бекітілген

Қазақстанның жаңа Конституциясында адам құқықтары негізгі басымдық ретінде бекітілген. Құжат елдің халықаралық мәртебесін өсіреді, инвестиция тартуға септігін тигізеді. Қазақстанның экономикалық, геосаяси және институционалдық тұрақтылығын нығайтуға деген ұмтылысы Орта Азия мемлекеттері үшін де маңызды. Шетелдік сарапшылар жаңа Конституцияның қабылдануы уақытылы және қажет қадам деп атады. 1995 жылғы құжат КСРО ыдырағаннан кейінгі жағдайды ескере отырып жазылса, жаңа Конституция халықтың заманауи қажеттіліктерін ескерген.
Талия Хабриева, РФ Үкіметі жанындағы заңнама және салыстырмалы құқықтану институтының директоры:

Орасан зор жұмыс жүргізілген. Қазақстанның жаңа Конституциясы жоғары заң стандарттарына сай жазылған. Мемлекеттің ұлттық-тарихи ерекшеліктері ескерілген саяси модельдің өзге елдерге де үлгі бола аларлық тұстары көп. Соңғы отыз жылда көптеген мемлекеттің Конституцияларын зерттеп келемін. Қазақстанның жаңа құжаты демократияны нығайтуға, мемлекеттік басқару жүйесінің тиімділігін арттыруға сеп болады.