Өңір тұрғындарының 78,49 пайызы дауыс берді

Елдің ертеңіне үміт артқан әр азамат бүгін өз таңдауын жасады. Мәселен, Жетісу облысы тұрғындарының 78,49 пайызы дауыс берген. Солардың ішінде талдықорғандық спортшылар халықаралық дәрежедегі спорт шеберлері, Азия және Әлем біріншіліктерінің жеңімпаздары ағайынды Самат пен Санат Сәрсенұлы дауыс берген болатын. Ағайынды спортшылар ел өміріндегі маңызды қоғамдық-саяси шаралардан шет қалған емес.

Самат Сәрсенұлы, Джиу-джитсудан халықаралық дәрежедегі спорт шебері, Әлем және Азия чемпионы:

Халықтың пікірін ескеріп, ел ертеңін қалыптастыруға мүмкіндік береді. Және де біз ел болашағына бейжай қарамай, өзіміздің таңдауымызды жасап, дауысымызды бердік. Бұл ортақ болашағымыз үшін маңызды қадам деп ойлаймын.