Мәжіліс депутаттары дауыс берді

Мәжіліс депутаттары да республикалық референдум белсенді. Олардың бір бөлігі түске дейін Астанадағы №130-шы учаскеге келіп таңдау жасады. Жалпы мұнда 2841 адам дауыс беру құқығына ие. Депутаттар бүгінгі күні дауыс беру әр адамның азаматтық борышы екенін айтады. «Өйткені, еліміз тарихи кезеңнің алдында тұр» дейді.

Үнзила Шапақ, Мәжіліс депутаты:

Бүгін біздің еліміз үшін тағдыршешті күн. Бұл өте жауапкершілікті іс. Себебі, біз болашақ ұрпақтарымыздың өмір сүру бағыт бағдарын анықтап беріп жатырмыз. Ұлтымыздың ұстанатын басты құндылықтарын бекітіп беріп жатырмыз. Сондықтан кез келген азамат үлкен жүктемемен келіп, жауапкершілікпен шешім қабылдап жатыр.

Мұрат Әбенов, Мәжіліс депутаты:

Жауапкершілік өте жоғары. Әрқайсысымыз сезінуіміз керек. Бүгінгі күні әр азамат өз құқығын біледі деп ойлаймын. Жан-жақты қарауға мүмкіншілік болды. Өзінің пікірін қалдыруға мүмкіншілік болды. Көбісі хабардар. Әрқайсысы барып өз таңдауын жасайды деп ойлаймын.