Мәскеуде қазақ мәдениетінің кеші өтті

Мәскеуде қазақ мәдениетінің кеші өтті. Ресей астанасында тұрып жатқан қандастар әуезді ән мен күмбірлеген күйді қалықтатты. Кеш қонақтары Алаштың ардақты ұлы Әлихан Бөкейханның өмірі мен мұрасы туралы айтып, қазақ халқына сіңірген еңбегі жайлы әңгіме қозғады. Жалпы соңғы жылдары Ресейдегі қандастар қазақ тілін сақтап, мәдениетін насихаттауға басымдық беруде. Іргелес елде 600 мыңға жуық қандас тұрып жатыр, 50-ден астам қазақ ұйымы бар.

Мұнсыз Садық, ұйымдастырушы:

Игілігі мол шараны жыл сайын ұйымдастырамыз. Абайдың шығармалары оқылып, әр жыл сайын асық ату, арқан тарту сияқты ұлттық дәстүрімізден сыр шертетін ойындарымызды көрсетеміз. Биыл тақырып Әлихан Бөкейханға арналып отыр. Себебі өскелең ұрпақ мемлекет және қоғам қайраткерінің жүріп өткен жолын білуі тиіс.