Конституция жобасы қоғам үшін маңызды құжат

Жаңа Конституция жобасында түрлі салаларды қамтитын маңызды өзгерістер қарастырылған. Құжатта қоғамның дамуына әсер ететін құқықтық нормалар нақтыланып, бірқатар салаға жаңа талаптар енгізілген. Сарапшылардың айтуынша, оң өзгерістер халық пен билік арасындағы байланысты нығайтады. Сондай-ақ қоршаған ортаны қорғау мәселесіне де ерекше назар аударылған. Тұрғындардың пікірінше, мұндай өзгерістер елдің тұрақты дамуына оң ықпал етеді.

Сауалнама:

-         Жаңа жоба да, мәселен, 3-бапта білімге, инновацияға, мәдениет пен ғылымның ұштасуына аса көңіл бөлінген екен. Біздің болашақта білімді ұрпақ тәрбиелеуімізде бұл өте маңызды. Яғни біздің мәдениетімізді және де білімді ұрпақ тәрбиелеуіміз – ол зайырлы мемлекетті қалыптастыруға салынған инвестициямыз деп білемін.

-         Қазақстан Республикасының азаматтарына 2 немесе одан көп азаматтық алуына тыйым салу туралы нақты көрсетілген. Бұл өте маңызды. Бұл кез келген азаматтың мемлекетпен тұрақты құқықтық және саяси байланыста болуын қамтамасыз етеді.

-         Жаңа Конституцияда жаңартылып жатқандығы бізді қатты қуантады. Ол адам құқығымен теңестіріліпті. Яғни жаңа жобада экология мәселесі адамзаттардың құқығын қорғауға, сонымен қатар қолайлы өмір сүруіне міндеттеліп отыр екен.