Т.Минуллина: Саяси реформалар инвесторларды құлшындырады

Қазақстандағы саяси реформалар шет мемлекеттердің, халықаралық ұйымдардың елге қаржы құюға құлшынысын арттыра түседі. Еліміздің Орталық Азиядағы инвестициялық хабқа айналуына толық мүмкіндік бар. Халықаралық сарапшылардың пікірінше, көп векторлы саясат жүргізіп келе жатқан Қазақстан демократияландыру бағытындағы батыл өзгерістерді жалғастыруда. Бұл реформалар елдің инвестициялық тартымдылығына да оң әсерін тигізеді.

Талия Минуллина, Татарстан Республикасы инвестициялық даму агенттігінің басшысы:

Қазақстан прогрессивті дамып жатыр деп айта аламыз. Қазақстанның инвестициялық тартымдылығы да еш күмән тудырмайды. «Ағылшын құқығы» деп аталатын эксперименттік құқықтық режимнің сіздердің елде қолданылуы халықаралық қауымдастық тарапынан жоғары бағалануда. Сондықтан әлі көптеген оң өзгерістер болады деп ойлаймын. Ал біз көрші, достық қатынасамызды нығайтып, әріптестік көкжиегін кеңейтуге әрқашан дайынбыз.