Politico: Ирандағы соғыс 100 күнге созылуы мүмкін

Ирандағы әскери операция кемі 100 күнге, тіптен қыркүйекке дейін созылуы мүмкін. Politico басылымы Пентагонның ішкі құжатына сілтеме жасап, осылай ақпарат таратты. АҚШ Қарулы күштерінің Орталық қолбасшылығы өз штаб-пәтеріне әскери барлаушыларды көптеп жіберуді сұраған. Бұл – әскери операцияны әрі қарай жалғастыру үшін қажет деп түсіндірген. Израиль мен АҚШ-тың Иранға қарсы шабуылы алтыншы күнге ұласты. Тегеранда жарылыс жаңғырығы әлі естіліп жатыр. Бұған дейін Түркияның әуе кеңістігіне кірген Иран зымыраны құлатылғанын хабарлаған едік. Тегеран Түркияға соққы беру әрекетін жоққа шығарды. Бұған қоса Иран әскерилері Түркияның егемендігін құрметтейтінін мәлімдеді.