Израиль түнде Иранға қарсы әуе шабуылдарының жаңа толқынын бастады. Әскери нысандар көзделген. Иран да көп кешікпей Израильді зымыранмен атқылады. «Файнэншл Таймс» газетінің жазуынша, Израиль әскері бірнеше аптаға созылатын соғысқа дайындалып жатыр. АҚШ пен Израиль соққы беруді бастағанда Тегеран АҚШ-тың аймақтағы Оман, Бахрейн, Қатар, Сауд Арабиясы, Біріккен Араб Әмірліктері тәрізді одақтастарын зымырандармен, дрондармен атқылауға кірісті. Иран президенті Масуд Пезешкиан бұл қадамға қорғану мақсатында басқа амал қалмағасын барғанын мәлімдеді. Әлеуметтік желідегі жазбасында аймақтағы бейбітшілікті өңір елдері қамтамасыз ету қажет деп мәлімдеді.