Басты Жаңалықтар Референдумды 18 мыңға жуық байқаушы қадағалайды

Референдумды 18 мыңға жуық байқаушы қадағалайды

04.03.2026 17:22

Алдағы референдум барысын «Дауыс» қоғамдық байқаушылар коалициясы да бақыламақ. 190 үкіметтік емес ұйымның басын біріктірген коалиция құрамында 18 мыңдай байқаушы бар.

Олардың 67%-ы бұған дейінгі саяси науқандарда жұмыс істеген. Қазіргі күні коалцияның өңірлік штабтары ашылып, байқаушылар арнайы оқудан өтіп жатыр. Қоғамдық ұйым 9700-ден астам референдум учаскесін қамтымақ. Әсіресе, облыс орталықтарындағы учаскелер назарға алынбақ. Топ жетекшісі «Басты мақсат – дауыс беру процесінің ашықтығы мен заңдылығын қамтамасыз ету» дейді.

Төлеген Күнәділов, «Дауыс» қоғамдық байқаушылар коалициясы» РҚБ төрағасы:

15 тнаурызда өтетін референдумда таңғы сағат 06:00-ден бастап байқаушылар келіп, дауыс беру үрдісінің ашықтығын қадағалап, қорытынды хаттама алғанға дейін өз жұмыстарын атқаратын болады.

Автор

Қозы-Көрпеш Жасаралұлы

Бөлісу