Иранмен соғыс салдарынан мұнай бағасы күрт өсті

АҚШ пен Израильдің Иранға шабуылынан кейін әлемдік мұнай бағасы күрт қымбаттады. Шикізат бағасы 10 пайызға өскен. Таңертең қор нарықтары ашылғанда «Брент» маркалы мұнайдың бір баррелі 79 доллар 30 центке сатыла бастады. Ормуз бұғазы іс жүзінде әлі жабылған жоқ. Дегенмен мұнай тасымалдайтын 150-дей танкер Парсы шығанағы су айдындарында тоқтап тұр. Ал сарапшылардың болжамына сай, бұғаз жабылса, энергетикалық шикізат бағасы 100 доллардан асуы мүмкін.