Су үнемдеу мәдениетін қалыптастыру маңызды

Қоғамда су үнемдеу мәдениетін қалыптастыру маңызды. Сарапшылардың пікірінше, су тапшылығының алдын алу тек мемлекеттік деңгейдегі шаралармен шектелмеуі тиіс. Күнделікті тұрмыста тіршілік көзін үнемдеп, оны есеппен пайдалануға дағдылану қажет. Бұл пікірді алматылық тұрғындар да қолдап отыр.

Сауалнама:

-         Еліміз үшін су тапшылығы өте өзекті мәселе деп ойлаймын. Бұл мәселе шешілмесе, ол тек қана судың мәселесі болмай, басқа да мәселеге әкелуі мүмкін. Экономикаға да, адамның тіршілігіне де әсер етеді деп ойлаймын.

-         Суды үнемдеу керек, өйткені ол біздің болашағымыз ғой. Қазіргі күнмен өмір сүрмей, келешекке де қалдыру керек суды деп ойлаймын. Мен өз балаларыма ылғи айтып отырамын және өзімнің мысалыммен көрсетемін.

-         Су үнемдеуді әркім өзінен бастау керек. Мысалы, тұрмыс жағдайында суды үнемді қолдануы керек. Мысалы, суды қатты жібермеу керек. Өйткені болашақ ұрпақтарға ол өте қажетті нәрсе.