Білім мен ғылым – дамудың стратегиялық бағыты

Қарқынды өзгерістер кезеңінде білім, ғылым және инновация шешуші рөл атқарады. Ал бұл бағыттардың барлығы жаңа Конституция жобасының преамбуласында анық айқындалған. Демек, білім мен ғылымға ерекше көңіл бөлінуі адам капиталын дамытуға және еліміздің технологиялық тұрғыдан тәуелсіздігін нығайтуға мүмкіндік береді. «SARAP» эксперттік клубында бас қосқан академиялық қауымдастық өкілдері осылай деді. Құжаттың өзегіне айналған бұл бағыттар жас ғалымдардың жұмысын жетілдіреді дейді.  Сәйкесінше, ғылыми ізденістердің нәтижесі, халықтың әл-ауқатын арттыруға, экономикалық өсімге тікелей ықпал етеді.

Эльмира Отар, әлеуметтанушы:

Білім, ғылым, педагогика болсын, жоғары білім саласына істейтін біздің мамандардың енді барлық мәселелері мемлекеттік деңгейде қарастырылатын болады. Бұл нормалардың Ата заңда енгізілуі ғылым, білім, инновация саласындағы мамандардың шығармашалық еркіндігіне жол ашады.