«Пана» әлеуметтік жобасы басталды

Елімізде «қауіпсіз орындар» желісі құрылмақ. Әйелдер мен балаларды зорлық-зомбылықтан қорғау шарасына кәсіпкерлер атсалыспақ. Яғни қысымға ұшыраған адам көше бойындағы кез келген дәріхана, дүкен мен басқа да қоғамдық орындарға барып, көмекке жүгіне алады. «Пана» әлеуметтік жобасы Жалпыұлттық социал-демократиялық партиясының бастамасымен елімізде алғаш рет қолға алынып отыр. Қазір бұл бастамаға қатысуға 200-дей кәсіпкер, 20-дан аса қоғамдық ұйым ынта білдірген.

Мақсұт Насибулов, ЖСДП орталық аппаратының басшысы:

Қазіргі заманда зорлық-зомбылық құрбандары көмек сұраса, ешкім көмектеспейді. Оны көріп жатырмыз. Екінің бірі ғана көмектеседі. Әрине ол қайда барады? Ол дүкенге барады. Көмек сұрағанда сатушылар не жасарын білмей қалады. Яғни шағын бизнес өкілдерін үйретеміз.

Талғат Омаров, Қазақстан тәуелсіз дәріханалар қауымдастығының басшысы:

Біздің қауымдастық құрамында 3 мыңнан астам дәріхана кіреді. Сондықтан біз осы жобаға ынталы қатысып жатырмыз. Бұл үлкен қоғамға пайдалы іс деп есептеймін.