Женевада Ресей, Украина мен АҚШ арасында үшжақты келіссөз өтті

Женевада Ресей, Украина мен АҚШ арасында үшжақты келіссөздердің бірінші күні аяқталды. Кездесу жабық режимде өткен. Украина мен АҚШ делегаттарының құрамы өзгерген жоқ. Ал Ресей делегациясын Женевадағы келіссөзге осы елдің президентінің көмекшісі Владимир Мединский бастап барған. Бұған дейінгі үшжақты келіссөздер Біріккен Араб Әмірліктерінде өткен еді. 

Бұл жолғы кездесуде қауіпсіздік және аумақтар мәселесі талқыланып жатыр. Оған қатысушы саяси және әскери топтар келіссөзді бүгін қайта жалғастырады. BBC-дің хабарлауынша, келіссөзге Франция, Германия, Италия мен Ұлыбританияның ұлттық қауіпсіздік бойынша кеңесшілері де барған. Олар Женевада Киев өкілдерімен кездеседі.