АҚШ-Иран келіссөзі аяқталды

Бүгін Женевада Иран мен АҚШ арасында келіссөз аяқталды. Тікелей емес кездесу Тегеранның ядролық бағдарламасына қатысты мәселелерді реттеуге бағытталған. Американың арнайы өкілдері Стив Уиткофф мен Джаред Кушнер Иран сыртқы істер министрі Аббас Аракчимен Оман дипломаттарының көмегімен сөйлесті. Әзірге келіссөз нәтижесі белгісіз. Вашингтонның Тегеранға қойып отырған негізгі талаптары – уран байытуды және зымыран жасауды доғару. Алайда Иран АҚШ санкцияларды алып тастауға келіссе, өзінің атом бағдарламасын шектеу мәселесін талқылауға дайын, бірақ ракета проблемасын қозғауға қарсы екенін ескерткен еді.