Иран – АҚШ келіссөзі Женевада өтеді

АҚШ пен Иран арасында ядролық келіссөздердің жаңа раунды ақпанның 24-де Женевада өтеді. Кездесуге Оман арағайындық танытады. АҚШ-тың мемлекеттік хатшысы Марко Рубио Тегеранмен келісімге келуге оптимистік көзқарас білдірді. Дипломат бұған дейінгі әрекеттердің бір де бірі сәтті болмағанын да мойындады. Бұған қоса Рубио президент Дональд Трамп мәселені дипломатиялық жолмен шешуді қалайтынын мәлімдеді. Ал Иран болса, АҚШ-пен ядролық келісім екі тарапқа да экономикалық пайда әкелетініне үмітті. Алайда Тегеран құжатқа қол қою үшін Вашингтон санкцияларды алып тастауға дайын болуы маңызды деп мәлімдеді.