Ресей халқының несие қарызы ₽1,65 триллионға жетті

Ресейде тұрғындардың мерзімі өткен берешегі рекордтық деңгейге жетті. 2025 жылы коллекторлық компаниялар 114 миллиард рубль көлемінде микроқаржы ұйымдарының қарыз портфелін сатып алды. Бұл соңғы үш жылдағы ең жоғары көрсеткіш. Сондықтан биылдан бастап микроқаржы ұйымдарынан бір адамға ең көп екі несие алуға рұқсат етіледі. Тұтынушылық несиелер бойынша ресейліктердің қарызы 1,65 трлн рубльге жеткен. Елде санкцияға байланысты инфляция шарықтап, өмір сүру көрсеткіші төмендеді.

Эльман Мехтиев, сарапшы:

Осы жылдың бірінші қаңтарынан бастап микроқаржы ұйымдары мен банктердің де жұмысының ашықтығы қамтамасыз етіледі. Сонымен қатар микроқаржы ұйымдарында ең жоғарғы төлем 130 пайыздан 100 пайызға төмендетіледі. Коллекторлардың жұмысына талап өзгереді. Себебі тұрғындар мен бизнес өкілдерінің арасында да несиесін өтей алмай жүргендер күрт өсті.