Ресейде қоймадағы дәрі-дәрмек түгесілді

Ресейде қоймада сақталған дәрі таусылып, бағасы 40 пайызға дейін қымбаттады. Мамандар санкция салдарынан қатты зардап шеккен фармацевтика саласында дағдарыс басталғанын айтады. Логистиканың бұзылуынан қажетті техника, құрал-жабдық пен дәрі шығаруға шикізат жоқ. Әсіресе адамның иммундық тапшылық вирусын және С гепатитін емдеуге арналған препарат тапшы. Сондай-ақ қант диабетіне шалдыққандарға арналған дәрі жетпейді, дейді дәріханалар қауымдастығының мамандары.

Ең басты мәселе – логистика жоқ. Сондықтан арзан бағаға дәрі табу мүмкін емес. Қымбат препараттарға баға тағы өсті. Бұл бағаны дәріханалар қоймайды, өндірушілер құнын асқақтатып жіберді. Бұл салада жұмыс істейтін маман да жоқ.