Жаңа Конституция жобасы талқыланды

Жаңа Конституциялық жоба тұрғындардың қауіпсіздігі мен құқықтарын қорғауға басымдық береді. Халық пен билік арасындағы өзара сенімді күшейтеді. Бұл туралы Алматыда Әл-Фараби атындағы Қазақ ұлттық университетінде өткен академиялық тыңдалымда айтылды. Жиынға Мәжіліс депутаттары, академиялық қауымдастық мүшелері мен жетекші заңгер-ғалымдар қатысты. Олар мемлекеттік биліктің конституциялық негіздерін нығайту, билік тармақтары арасындағы тепе-теңдікті сақтау мәселелерін көтерді. Сондай-ақ адам құқықтары  мен жауапкершіліктерін де жан-жақты талқылады.

Үнзила Шапақ, ҚР Парламенті Мәжілісінің депутаты:

Преамбуланы жаңадан жаздық. Преамбуланың ішінде біз нақты ұстанатын идеялық негізгі тұғырларымызды жазып бітірдік. Бірінші бапта адам және оның өмірі мен құқықтары және бостандықтары. Құқық жүрген жерде міндетті түрде жауапкершілік болады. Сонымен қатар жауапкершіліктер де жазылып жатыр.