Жаңа Конституция жобасы қолдау тапты

Алматыда жаңа Конституция жобасы Қоғамдық кеңес өкілдері тарапынан қолдау тапты. Жиында құжаттың негізгі бағыттары түсіндірілді. Жаңа Конституция жобасы ашық әрі жан-жақты талқыланып жатқаны айтылды. Қатысушылар демократиялық институттарды дамыту, мемлекеттік басқару жүйесін жетілдіру және құқық үстемдігін нығайтудағы оң өзгерістерді атап өтті. Кездесуде мемлекет пен азаматтық қоғам арасындағы кері байланысты күшейту тетіктері де кеңінен сөз болды.

Ермұрат Бәпи, ҚР Парламенті Мәжілісінің депутаты:

Кездесудің нәтижесінде қоғамда қандай бір уайым бары, қандай бір мүдделілік бар екені көрінді. Орташа баға беріп айтатын болсақ, тұжырым айтатын болсақ бұл елдің болашағына келешек бір жасампаз дамуымызға деген жақсы азаматтық, перзенттік бір мүдделілікті мен байқадым.