Халық пікірі: Жаңа Конституциядан оң өзгерістер күтеміз

Жаңа Конституция халық арасында қызу талқыланып жатыр. Қоғамдық ұйымдар мен азаматтық белсенділер бұл реформалар елдің саяси жүйесін жетілдіріп, азаматтардың құқықтарының қорғалуына оң өзгерістер әкеледі деп үміттенеді. Тұрғындар пікірін тыңдап көрсек.

Сауалнама:

- Конституцияның жаңа жобасында зияткерлік меншікке қолдау көрсету – ол негізгі жоба деп санаймын. Ол ғылымға, инновацияға және кәсіпкерлікке, шығармашылыққа құқықтық кепілдік беретін заң жобасы болып табылады. Осылайша елімізде жас ғалымдардың, өнер адамдарының көбейуіне жол ашылады.

- Қазіргі таңда конституциялық реформалар жүзеге асырылып жатыр. Соның ішінде аса мән беріліп отқаны цифрлық деректерді қорғау болып табылады. Егер заң күшіне енетін болса, еліміздегі интернет алаяқтықпен күрес жүзеге асырылып, сонымен қатар деректерді сақтау заңмен, конституциялық тұрғыда жақсы қорғалатын болады.

- Жаңа конституциялық жобадағы осы ана мен бала құқықтарын қорғаудың тетіктерін көрсетуді қажет деп ойлаймын. Себебі ана және бала құқықтарын қорғау – әрбір мемлекеттің басты міндеті.