ЖСДП: Конституция жобасы елдің дамуына серпін береді

Жалпыұлттық социал-демократиялық партиясы Конституцияның жаңа жобасын талқылады. Осы бағытта партияның бастауыш ұйымдары өзгерістің әлеуметтік және саяси маңызын талдап, нақты ұсыныстарын білдіріп жатыр. Партия төрағасы Асхат Рақымжанов Ата заңның жаңа жобасы қоғамдық институттарды дамыту және адам мен мемлекет арасындағы сенімді арттыруға бағытталғанын атап өтті.  Жиынға қатысушылар да реформа қоғамның сұранысына сай және елдің саяси дамуына серпін береді деп есептейді.

Көздеген мақсаттарымыз, бағдарламамызда бар пункттар осы Ата заңға еніп жатыр. Сондықтан біз бір палаталық Парламентті айтып келеміз. Өйткені унитарлық мемлекетте екі палата болуы ойға сыймайтын зат деп есептейміз. Сондықтан қазіргі талқыланып жатқан Конституцияның жобасын біз қолдап жатырмыз.