Биыл ақын Мұқағали Мақатаевтың туғанына 95 жыл

Биыл ақиық ақын, қазақ әдебиетінің көрнекті тұлғасы Мұқағали Мақатаевтың дүниеге келгеніне 95 жыл. Мерейтой қарсаңында Алматыда «Жырлайды жүрек» атты әдеби-сазды кеш пен көркем сөз шеберінің ғұмырын таныстыратын көрме өтті. Алқалы жиынға әдебиет сүйер қауым мен ақынның туыстары қатысты. Заңғар тұлғаны көзі көріп, замандас болғандар жылы естеліктерімен бөлісіп, шығармашылық мұрасын баяндады. Шараға жиналғандар лириктің шығармашылығын кеңінен танытып, ақын өлеңдерінің маңызын насихаттау келер ұрпақ алдындағы маңызды меже екенін тілге тиек етті