Қазақстан мен Ресей а/ш саласында ортақ жобаларды көбейтпек

Қазақстан мен Ресейдің тоғыз айда тауар айналымы 2 миллиард 800 миллион долларға жетті. Агроөнеркәсіп саласында екі тарап ынтымақтастықты жандандыра түспек. «Agravia» халықаралық көрмесі аясында Қазақстан өзінің экспорттық және инвестициялық мүмкіндіктерін паш етті. Сарапшылар екі елдің кооперацияны тереңдетуде әлеуеті жоғары екенін айтады. Мәселен қазақтың ақбас тұқымына көрші елде қызығушылық жоғары.

Дәурен Абаев, Қазақстанның Ресейдегі төтенше және өкілетті елшісі:

Қазақстаннан жеті аймақ, Ресейден он екі аймақ шекара бойымен шектеседі. Ресей Федерациясы Қазақстан үшін ең ірі серіктес, бұл орайда ауыл шаруашылығы саласының орны ерекше. Біздің еліміздің барлық аграрлық айналымының 30% көрші елмен байланысты. Сондықтан бірлескен жобалардың саны артады.